القائـــمة

اعلانك هنااعلانك هنا  الرئيسيةالرئيسية  بحـثبحـث  الأعضاءالأعضاء  التسجيلالتسجيل  دخول  

الاعلانات

منتديات احباب السماوه
مرحبا بك في منتدى احباب السماوه A7BABALSAMAWA

لتتمكن من الإستمتاع بكافة ما يوفره لك هذا المنتدى من خصائص, يجب عليك أن تسجل الدخول الى حسابك في المنتدى. إن لم يكن لديك حساب بعد, نتشرف بدعوتك لإنشائه تحياتي سكرات الموت العراقي.

 
انشاءحساب في احباب السماوه

أهلا وسهلا بك إلى منتديات احباب السماوه


شاطر | 
 

 شعر شعبي عراقي عن الأم

اذهب الى الأسفل 
كاتب الموضوعرسالة
lost
مدير
مدير
avatar

الجنس : انثى

عدد المساهمات : 243
نقاط : 66148
الخبره : 1
تاريخ التسجيل : 30/10/2012
العمل/الترفيه : ألادب والمطالعه
المزاج : سعيده

مُساهمةموضوع: شعر شعبي عراقي عن الأم   الإثنين مارس 18, 2013 1:56 pm

شعر شعبي عراقي حزين عن الام

صباح الخير يمه تلـگي ابنچ جاي
گومي من الگبر وبلهفه شميني
صباح الخير يمه وگومي افتحي الباب
طولت بغيابي ارجوچ اعذريني
مرت مده يمه ورسمي عنچ غاب
بس موبيدي والله وزين تدريني
انه وليدچ ييمه وماأخون رباچ
بس الغربه حالت بينچ وبيني
گوميلي ييمه وكسري السرداب
وبنفس الچفن وياچ غطيني
‏****
گوميلي ييمه بگلبي تسعر نار
محتاج لحنانچ فدوه ضميني
گوميلي ييمه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بگبرج اغفه ،، وياچ خليني
‏****
من يوم الدفنتچ يمه مامرتاح
شلت الهم ييمه منهد عشريني
وطلگت الفرح يايمه ثلث ايمان
وربطت الحزن شديته بيميني
لان ماأگدر انسه وداعتچ معذور
اسمچ هو دمي وكل شراييني
‏****
گوميلي ييمه وداعتچ تعبان
بس بشوفچ ابره وتبتسم عيني
بس انتي الوحيده القادره بهالكون
بتراب الچفن يحبيبه تشريني
اسمعيني ييمه وگومي اترجاچ
مامرجيه منچ هيچي تاذيني
گوميلي آنه جيتچ ماأريد اعذار
طشرني الوكت يايمه لميني
‏****
طبعچ وآنه اعرفچ ملگه للخطار
خطارچ عزيز وماتفشليني
انفضي تراب گبرج كسري السرداب
وبطيبت كلامچ يمه حاچيني
محتاج النصيحه وداعتچ محتار
شوريني ياأمي ارجوچ انصحيني
اعرفچ انتي دومچ ماطبگتي الباب
شنهو الغيرچ يحبيبه فهميني ؟
مو چنت آنه أأمر وحدي بهالكون
ولوخلص حليبچ ، دم ترضعيني
ولو مرني الكدر والآه والاحزان
بعيونچ ييمه انتي التشافيني
اسمعيني ياأمي ارجوچ اسمعيني
اريد اليوم اوفي شويه من ديني
‏****
معذوره ياامي وادري ملك الموت
مايعرف رحم لافرصه ينطيني
اخذ مني الحبيبه الحتى رب الكون
ضل طول العمر بيها يوصيني
اعذرچ والله يمه وماعليچ قصور
لوما باللحد چا والله شلتيني
احبچ وابقى احبچ لآخر الانفاس
چي من نور وجهچ كملت ديني



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعر شعبي عراقي عن الأم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احباب السماوه :: منتديات امير الاجودي :: مواضيع متنوعه-
انتقل الى: