القائـــمة

اعلانك هنااعلانك هنا  الرئيسيةالرئيسية  بحـثبحـث  الأعضاءالأعضاء  التسجيلالتسجيل  دخول  

الاعلانات

منتديات احباب السماوه
مرحبا بك في منتدى احباب السماوه A7BABALSAMAWA

لتتمكن من الإستمتاع بكافة ما يوفره لك هذا المنتدى من خصائص, يجب عليك أن تسجل الدخول الى حسابك في المنتدى. إن لم يكن لديك حساب بعد, نتشرف بدعوتك لإنشائه تحياتي سكرات الموت العراقي.

 
انشاءحساب في احباب السماوه

أهلا وسهلا بك إلى منتديات احباب السماوه


شاطر | 
 

 شعر شعبي عراقي

اذهب الى الأسفل 
كاتب الموضوعرسالة
lost
مدير
مدير
avatar

الجنس : انثى

عدد المساهمات : 243
نقاط : 64228
الخبره : 1
تاريخ التسجيل : 30/10/2012
العمل/الترفيه : ألادب والمطالعه
المزاج : سعيده

مُساهمةموضوع: شعر شعبي عراقي   السبت مارس 23, 2013 5:08 pm

هذا مو حب مو عشك هذا انتقام
هاي مو قصة بشر يعشك بشر
عدنه عود كلوب يجمعهه الغرام؟
لا جذب بينه شخص كلبه حجر
انت يا عمري روايه بدون ياء
منين ما اكلبك ارد من الالف
انت مو ولفي لان كلك وجوه
انت كوم وجوه لابسهن ولف
جرحي بالنسبه الك كلش فقير
وانت وي ابسط جرح كلش صلف
جرحك الشاهود ما بين الجروح
بدون ما الجمه على الواهس نزف
وما احير ابين جرحك والغريب
يصير بذات النكر لجمة عرف
وجاي تقنعني بعذابي بكل برود؟
تكول كل الصار مكتوب وقدر
هذا مو حب مو عشك هذا انتقام
هاي مو قصة بشر يعشك بشر
كمت اغار ابغيبتك من الطيور
وكمت ادلي النار عالعش والغصن
جي شفت جم عود لم حب الحمام
واني خليتك بحظني وما تحن
جانت اضلوعك على اضلوعي تنام
تنسجن باحضاني بس احلى سجن
هسه فارغ حضني يلعب بي هواك
حته من كد ما فرغ تسمع لحن
وبضحك شماتي تسال من تفوت
انت تعزف ناي لو فارغ حضن؟
الباب لو بيدي اقفله واستراح
لجن كلبي يلوب كل ظنه تمر
هذا مو حب مو عشك هذا انتقام
هاي مو قصة بشر يعشك بشر
يا اذان الشوك يا اخطر اذان
حيّ عالراح ونسى وخلف جروح
حي عالليل النكر طاري المنام
حي عالعين البقت بعدك تنوح
حي عالصورة البقت يوم المشيت
وطيف كابل عيني ما يقبل يروح
حي عالشمات يمي يسولفون
حي عالراد وسعه ابسرك ابوح
حية روحي بالعشك بلكت تصير
تذب جلد حبك ومن بعدك اعيش
حي عالخلاني يكتلني السؤال
حي عل ما جاوب وما كلي ليش
وخاف كل ظنك متت يوم الجفيت؟!
وروح جرحك ما متت ناقص عمر
بس شفت بالدنيا باقيلي اختيار


كلت اموت ولا جهنم تنتظر
هذا مو حب مو عشك هذا انتقام
هاي مو قصة بشر يعشك بشر



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
شعر شعبي عراقي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات احباب السماوه :: منتديات امير الاجودي :: مواضيع متنوعه-
انتقل الى: